Critical karun sa Western Visayas Medical Center ang asawa nga si Jennifer, 24 anyos kag residente sang Abong, Carles Iloilo matapos gin buno sang iya bana sang kitchen knife sa idalom sang dughan, kamot kag paa.
Ang bana nga suspek ang gin kilala sa kay John Villa, 25 anyos kag residente man sang amu nga lugar kag may igo sa iya dughan matapos gin buno ang kaugalingon pagkatapos man sini bun on ang iya asawa.
Ang insidente natabo alas 10:45 kagab e sa barangay Camambugan, Balasan Iloilo kun sa diin nanutaran sang tatay sang asawa nga si Joe, 63 anyos nga naga wakal wakal ang suspek kag iya ini gin saway nga mag himos na kag matulog.
Nagwa ang suspek para mag pangihi kag pagbalik sini nakita nya ang kutsilyo. Iya ini gin kuha kag gin palapitan ang iya asawa nga naga kugos sang 2 ka tuig nila nga bata kag gin bukas kag didto iya ini una gin buno sa idalom sang dughan, kamot kag paa.
Gin tambagan man ini sang tatay ka babaye apang iya man ini gin handos nga naigo sa abaga kag ang 2 pa gid ka utod sang iya asawa ang iya man gin pang handos kabangdanan naka angkon man ang mga ini sang minor nga kapilasan.
Pagkatapos nang handos, iya gilayon gin buno ang iya kaugalingon nga naigo sa dughan.
Sa karun kritical sila nga mag asawa sa ospital.
