Davao City – Giagni ni PNP Deputy Director General for Operations Camilo Cascolan ang publiko sa simultaneous exercise o Task Group Southern Storm karong Pebrero 28 sa Abreeza Mall Activity Center alas-6:00 ngadto sa alas-9:00 sa kabuntagon.
Gipahibalo ni Cascolan dili lockdown ang gipatuman atol sa mga pasiunang mga katikaran diha sa pagbansay sa seguridad inay usa ka closed traffic sulod lamang sa 5-10 minutos sa mga lugar diin gihimo ang mga aktibidad.
Nagpahigayon na og pre recorded exercises counter insurgency, maritime law enforcement exercises, crisis management sa airport, checkpoints ug barangay community response dinhi sa dakbayan.
Matud ni Cascolan daghang scenarios atol sa ilusad nga ‘Simex’ ang ipakita sa mga tinugyanan sa balaod sama sa kunuhay pagbusikad sa bomba, hostage taking diin makita kung unsa ka hitsas ang tanan atol sa maong mga krisis.
Ang mga buot mulantaw mamahimong muplastar sa 2nd floor sa maong mall.
Subay niini ipahigayon karong Marso 1-3, 2018 ang SWAT competition diin panguluhan kini ni PNP Chief Ronald Bato Dela Rosa.
RadyoMan Aimee Guinita
