Kini tungod sa kasaulugan sa armadong pundok sa Communist Party of the Philippines (CPP) sa ilang anibersaryo karong adlawa.
Sa interview sa RMN ngadto kang BGen. Ferdinand Barandon, ang commander sa 403rd Infantry Brigade, Philippine Army, gibutyag niini nga sama sa ordinaryong adlaw nakabantay sila 24/7 aron mapabilin ang kahapsay ug kalinaw sa probinsya sa Bukidnon kauban ang kapulisan.
Wala usab daw silay namonitor nga pagpanghasi nga gihimo sa mga NPA.
Gibutyag ni Police Regional Office (PRO)-10 spokesperson Lt.Col. Michelle Olaivar nga sukad pa sa miaging tuig,wala na’y paglurang ang opensiba sa gobyerno rason nga ubay-ubay sa tag-as nga opisyal sa CPP-NPA nga naglakip kang Jorge Madlos alyas Ka Oris ang napatay sa mga engkwentro.
Samtang sa habig sa kapulisan, nakabantay usab kini alayon sa anibersaryo sa CPP NPA.
Matud ni Pol. Executive Master Sergeant Alexander Calma, gibutyag niini nga gipahimangoan na sila nga dili magsaya-saya ug doble pag-igmat.
Nasayran nga giharaas kagahapon sa kadlawon ang security guard sa Lumina Homes sa Diversion sa Casisang ning siyudad nga nagresulta sa pagkasamdan sa usa ka pulis.
