Gipasalig sa Philippine National Police ug Armadong Kusug sa Nasud nga wa silay mga sakop nga gustong motay-og sa kasamtangan nga administrasyon .
Ang tigpamaba sa AFP Central Command nga si Colonel Medel Aguilar nanghimakak nga adunay mga junior officers sa militar nga nagplano sa pagpalagpot sa katungdanan ni Presidente Rodrigo Duterte .
Matud ni Aguilar, taas ug morale ang AFP ug way rason nga mosalmot ang mga sundawo ug adventurism.
Nakadawat hinoon ang AFP ug taho nga adunay mga rebeldeng New People`s Army nga gustong mopalagpot ni Duterte, apan masaligon nga di kini molampos .
Sa iyang bahin ang tigpamaba sa Police Regional Office-7 nga si Supt. Reyman Tolentin nihulagway nga kontento ang kapolisan sa pagpasidungog sa gobyerno sa maayo nilang nahimo ug igong suporta nga gipakita sa presidente ngadto kanila.