PNP Zamboanga del Sur, Tak-om ang baba sa kaso sa duha ka pulis nga nakapusil patay sa sundalo

Pagadian City, Zamboanga del sur—Tak-om ang baba sa kapulisan sa Zamboanga del sur bahin sa dagan sa imbestigasyon nga gipahigayon karon sa Creminal Investigation and Detection Group (CIDG-9) bahin sa kasong pagpusil patay kang Corporal Rodillo Bartolome.
Sa gipatawag nga press-conference sa PNP Zamboanga del Sur ug 53rd Infantry Battalion Philippine army sulod sa Zamboanga del sur Police Provincial Office igo lang sa paghatag og detalye nga kono walay laing matubag ang kapulisan kondi mao ang paghulat sa dagan sa imbestigasyon batok duha ka mga pulis nga silang Po2 Ronald Zeros ug Po1 Michael Bullanday nga restricted na karon sulod sa kampo human makapusil patay kang Corporal samtang anaa sa Monte Alegre, Lungsod sa Aurora.
Bisan si Police Senior Supt. Allan Nazarro, Labaw sa kapulisan sa probensiya ang dili makatubag sa pangutana sa media kung unsay protocol sa kapulisan kung anaa sila sa duty? Kinahanglan ba gyud nga naka uniform ang kapulisan? Apan walay ikatubag si Colonel Nazarro og igo lang sa pagtubag nga hulaton ang imbestigasyon.
Apan gihingusgan sab ni Lt. Colonel Virgillo Hamos Jr. nga bisan paman sa nahitabo nga iyang sakop ang gipusil patay sa duha ka mga pulis wala maguba ang ilang maayong relasyon ngadto sa mga kapulisan sa Zamboanga del sur (Mel Coronel/dxpr News Team)

Facebook Comments