Arestado ang mag-live in partner sa ginkasa nga buy bust operation sa Brgy. San Salvacion sa banwa sang Banate, Iloilo.
Ala 1 kaina sang hapon sang ginhiwat ang nasambit nga operation kun sa diin, nagresulta ini sa pagkadakop nanday Rogelio Asunan,52-anyus kag Ruffini Pahelangga,57-anyus lunsay residente sang nasambit nga lugar.
Ginpahayag ni Police Sr. Inspector Jojo Tabaloc, hepe sang Banate PNP, madugay na nga gina-surveillance ang mag-live in partner kag una na nga na-preso sadto bangud man sa kaso angot sa ilegal nga druga.
Dugang pa sini nga ang mga suspek ang nagakuha sang suplay sang ilegal nga druga sa Negros island kag gina-transfer diri sa Iloilo pinaagi sa sakayan pandagat.
Narecover sa posesyon sang mga suspek ang 9 tanan ka mga plastic sachets sang ginapatihan shabu kalakip ang buy bust money kag isa ka-armas luthang.
Sa karon nahunong na ang mag-live in sa Banate PNP kag nagapangatubang sang kaso.(sspunay)
