Dipolog City-Mas gipahugtan pa karon sa kapulisan ning probinsya sa Zamboanga del norte ang ilang seguridad human sa nahitabong duha ka pagbusikad sa IED didto sa Mt. Carmel Church sa Jolo, Sulo kagahapong adlawa sa may 8:06Am kapin kun kulang
Kahinumduman nga gikamatay sa 27 ka indibidwal nga gilangkuban sa 7 ka mga sundalo ug 20 ka sibilyan samtang 77 kabuok usab ang angol nahitabo kini atol sa gihimong misa sa Simbahan.
Sa pagkakaron padayon ang gihimong checkpoint sa kapulisan ning probinsya aron sa ingon nga dili makahatag ug kahigayonan ngadto sa mga tawong adunay dili maayong plano ilabi sa buot magsabwag ug kagubot.
Nanawagan karon ang PNP Zamboanga del norte sa katawhan nga motabang kanila ug batasanon ang kanunayng pagmaigmat ug kun adunay makita nga mga kadudahang butang o indibidwal gilayong itaho sa ilang buhaton aron dali nga maaksyonan.
