Kanunay karon nga nakaalerto ang kapulisan dinhi sa probinsya sa Zamboanga del norte tungod sa hulga sa posibleng pagpanulong sa mga walhong grupo sa NPA sa matag istasyon sa kapulisan.
Matod pa ni Chief Superintendent Emmanuel Luis Licup, ang Police Regional Office-Zamboanga Peninsula director, gisaka ang alerto sa tibook rehiyon gumikan sa mando sa Communist Party of the Philippines (CPP) ngadto sa armadong NPA nga mulusad matud pa sa opensiba gumikan sa extension sa martial law sa Mindanao.
Una niini nagpagawas ug pamahayag ang sakop sa walhong grupo nga maghimo sila ug pagpangataki human nga gipauswag ni Pangulong Rodrigo Duterte ang Martial Law dinhi sa pulo sa Mindanao.
Matod pa sa mga NPA dili na kinahanglan ang pagpailawom ug Martial Law dinhi sa Pulo sa Mindanao tungod kay hapsay ug malinawon man ang Mindanao pero matod pa sa sa armadong kusog sa Pililipinas ang martial law ang tubag sa nagka grabeng problema sa padayong pagsabwag ug kagubot sa mga lawless Element.
Kahibaloan ang Martial dinhi sa Mindanao matapos karon pang Desyembre 2019.
Hinungdang ang kapulisan dinhi sa tibuok rehiyon 9 ug mismo dinhi sa Zamboanga del norte hugot gayod ang ilang ginahimo nga checkpoint diha sa kadalanan ug pagbutang ug mga police visibility sa mga pampublikong lugar aron dili mahatagan ug kahigayonan ang mga tawong adunay dili maayong plano dinhi sa Probinsya sa Zamoboanga Del norte.
