SAPIAN, CAPIZ – Natigayon nga maharang sang mga kapulisan sa banwa sang Sapian ang mga ginserahe nga kahoy alas 11:40 sang aga sa Brgy. Lonoy sa nasambitan nga banwa.
Narekober sang mga ini ang 16 ka nasiad na nga kahoy kag apat ka mga tablon nga nakarga sa traysikol nga ginamaneho ni Ronald Rengila y Oroceo, 42-anyos ang pang-edaron sang amo nga lugar.
Ang amo nga mga ginserahe nga kahoy ang ginapanag-iyahan sang persona nga si Jonathan Tamayo kun sa diin sang ginpangitaan sang mga nagakaigo nga permit to transport ukon permit to cut, napaslawan ang mga ini nga makapresentar.
Sa subong yara na sa paghinakop sang MENRO sa banwa sang Sapian ang mga narekober nga kahoy.
Facebook Comments
