Zamboanga del norte-Ang kapulisan kagahapon dinhi sa probinsya sa Zamboanga del norte ilabi na gayud sa nagkadaiyang kalungsuran ang kanunay nag himo ug checkpoint diha sa kadalanan.
Kini aron masiguro nga walay mga dautang tawo ang makasulod ug gawas sa probinsya ilabi na kun adunay dili maayong plano nga buot isabwag dinhi sa probinsya.
Tan awon sa mga kapulisan ang mga papeles behikulo kun aduna bay’y tukmang papel kini aron masiguro nga dili magamit sa dautang binuhatan ang mga kolorum nga sakyanan.
Tumong sab ani nga mapatunhay ang kahapsay ug kalinaw sa tibuok probinsya sa Zamboanga del norte.
Gani sukad nga milingkod ang bag-ong director sa kapulisan ning rehiyon nga si PBGEN. Floilan Quidilla iyang ipatuman ang bag-ong direktiba nga gitawag kining ACTION PLAN, nga buot pasabot mao ang ALERT, COMMITMENT, TENACIOUS, INTOLERANCE TO WRONG DOING, ORGANIZED, NURTURE.
Giawhag sad ang katawhan nga mo tabang gayud sa mga kapulisan sa pagbantay sa palibot kun aduna man gali mamatikdan gilayong i taho kini sa kapulisan aron dali nga mahatagan ug aksyon
