General Santos City— Giangkon ni Police Chief Superintendent Marcelo Morales, Regional Director sa Police Regional Office 12 nga gi-relib na sa dakbayan sa Police Regional Office 12 si PO1 Abder Baharan human kining gipatawag sa kampo Crame gumikan sa nahimo niining komento ug sumala pa pag-bash kang PNP Director General Oscar Albayalde.
Sumala kang Gen. Morales nga nakadawat na ug reliive order ang nahisgutan kung asa kini ang na-assign na Sa Regional Office sa ARMM. Pagpaklaro ni Gen. Morales nga dili tungod sa negatibong komento sa nasangpit nga pulis mao kini na-relib kundili ang pagsupak niini sa ilahang PNP Code Of Ethics.
Kini gumikan aduna matud pay saktong lugar aron nga ilahang ipagawas ang unsa mang yango-ngo nila sa organisasyon ug dili kinahanglan nga ipaagi sa social media.
Dugang pa ni Gen. Morales nga nahimo na gyud nga praktis sa kapulisan ug militar nga kinahanglan mutuman una sa unsa mang mando ayha magreklamo, apan kung aduna matud pay mga kwestyon sa mga mando gikan sa higher headquarters aduna silay mga departamento nga angayang duulan.
