Davao City – Gikunsiderang High Value Target sa Police Regional Office (PRO-XI) si Police Officer 2 Luis Pantig Gabrinao Jr., kinsa kanhi nadestino sa Island Garden City of Samal o IGACOS PNP.
Atol sa interbyu sa RMN Davao kang PRO-XI Regional Director P/Chief Supt. Marcelo Morales, giawhag niini si Gabrinao nga mutahan sa iyang kaugalingon ug atubangon ang iyahang mga kaso.
“Mas maganda kung siya ay kusang loob na sumuko at harapin niya ang mga kasong isinampa sa laban kanya at sa gayun ay mabigyan din siya ng pagkakataon maipaliwanag ang kanyang side,” sumala niini.
Wala na giila pa ni Morales nga sakop pa kini sa PNP.
Matud ni Morales nga niadtong Setyembre ning tuiga wala nisumite si Gabrinao sa iyahang kaugalingon atol sa random drugtest ug nag-AWOL kini.
Kasamtangang nag-atubang kini’g kasong administratibo ug madugang pa ang mga kasong may kalapasan sa RA 9516 ug RA 9165 human nakuha sa iyang giabandonang sakyanan ang droga ug eksplosibo.
Gimando ni Morales sa tanang hepe sa kapulisan sa rehiyon nga hunting-on ang maong police skalawag.
“Iwasan niyang magtago at lalong-lalo na iwasan niya na lumaban sa ating mga kapulisan,” matud ni Morales.
Nasiplatan atol sa checkpoint sa mga awtoridad didto sa Mati City, Davao Oriental ang gidrayban niining Montero Sports nga adunay plakang PKD 634.
Sumala sa mga operatiba nga ilang gigukod ang maong sakyanan kay wala kini nihunong sa checkpoint.
Nakaikyas si Gabrinao ug gibyaan ang iyahang sakyanan.
RadyoMaN Aimee Guinita
