All set na ang mga barangay sa Poblacion ning siyudad sa Malaybalay alang sa pagahimoon nga dry run sa No Parking Policy sugod karong Setyembre 1 ning tuiga.
Nasayran nga sila ang kaabag sa kapulisan, ug TMC sa pagpatuman sa No Parking Policy sa dakbayan.
Sa interview sa RMN Malaybalay ngadto kang ABC President ug ex-officio City councillor Bonifacio Vallente gibutyag niini nga ipatuman ang no parking policy sa Sayre Highway- Fortich Street, gikan sa tulay sa Barangay Sumpong nga nagkonekta sa Barangay Kalasungay ug paingon sa Barangay Casisang nga nagkonekta sa Brgy. 9 ning siyudad sa Malaybalay.
Alayon sa mao nga dry run gihangyo ni Kapitan Valiente sa mga katawhan sa Malaybalay nga lugwayan ang ilang pagsabot ug mao nga lakang.
Gilauman na matud pa nila nga mutumaw ang mga negatibo ug positibong komento kalabot niini.
Aminado usab si Kapitan Valiente nga gamay lamang gayod ang gilapdon sa dalan sa Malaybalay ug mao kini ang lakang nakita aron masolusyunan ang problema sa trapiko.
Gihangyo usab niya ang publiko nga mag-andam sa ilang komento aron dad-on sa pagahimoon nga public hearing paghuman sa mao nga dry run nga mahuman sa Setyembre 15.
