Davao City – Usa ka dakung leksyon sa tanang police nga dili matulog human nasakpan ang mga pulis sa Manila nga natulog samtang anaa pa sa oras sa ilang pagduty.
Sumala ni Davao City 3rd District Peoples Law Enforcement Board (PLEB) chairman Councilor Condrado “Conde” Baluran, kini nga panghitabo dili malikayan ilabina sa mga lugar nga mingaw.
Tungod niini matud ni Baluran, himoon pud unta sa ubang mga hepe sa kapolisan nga magpahigayon og surpresang inspeksyon sa mga police station tungod kay ang duty sa police shifting ug wa’y rason nga matulog samtang anaa pa sa duty.
Samtang giklaro usab sa hepe sa PLEB sa ikatulong distrito, ang pagpahamtang og silot sa mga police nga makit-ang natulog samtang nagduty depende sa sitwasyon apan aduna gayuy ipahamtang nga silot.
RadyoMaN Bernard Pantallon
