ILOILO – Nagapati ang pamilya ni Genesis ‘Tisoy’ Argoncillo nga biktima ini sang police brutality.
Biernes sang nagpaload si Tisoy sa tiangge sa Novaliches Quezon City sang gin-aresto siya sang Quezon City Police Office bangod gina-alegar nagbayolar si Tisoy sang nti-“tambay” drive sang PNP base man sa mandu ni Presidente Rodrigo Duterte.
Suno sa pulis, gin-aresto si Tisoy bangod sa alarm and scandal. Sang nagkladto si Tisoy sa tiangge wala ini sang bayo.
Suno naman kay Marilou, tag-iya snag tiangge nga ginbaklan ni Tisoy, gindakop si Tisoy kag ginpilit nga mag-uyat sang botelya sang ilimnon nga wala man niya gin-inom kag ginpicture-an bilang ebidensya sang pulis.
Sang ginbisitahan sang pamilya si Tisoy sang Sabado, nagpanugid ini nga ginakastigo siya sa sulod sang bilangguan.
Sang Lunes, ginpahayag ni Quezon City Police District (QCPD) Director Chief Supt. Joselito Esquivel, Jr. nga gindala nila sa ospital si Tisoy bangod nagareklamo ini nga nagapin-ot ang iya dughan.
Lunes sang aga sang gindeklara nga patay sa Novaliches hospital si Tisoy.
Ginpanginwala sang kapulisan ang police brutality kag gincertify nga wala sang signs sang extrernal injuries sa bangkay ni Tisoy.
“We would like to make it clear, there was no violent and inhumane treatment on Argoncillo, contrary to the allegations of the family, citing a supposed broken rib and bruise marks on the cadaver. These are mere conjectures until an autopsy is performed,” ang pahayag sang QCPD.
Baliskad naman ini sa resulta sang autopsy sa diin, nakita nga ginkastigo si Tisoy, nagagwa ang dugo sa iya dulunggan kag alatrasan.
Sa autopsy resulta ginpaggwa nga ang “immediate cause” sang kamatayon ni Tisoy amo ang “multiple blunt force trauma” sa iya”head, neck, chest, and upper extremities.”
Photo via Rappler
