Ginkumpirmar ni Police Col. Julio Gustilo nga may order halin sa PNP National Headquarters nga naga-relieve sa iya bilang Provincial Director sang Guimaras Provincial Police Office.
Suno kay Gustilo nga kabahin lamang ini sang routine sang PNP officials matapos naglampas na ang iya duha ka tuig nga tour of duty sa GPPO.
Angut sini, lubos ang pasalamat ni Gustilo sa mga Guimarasnon kag malipayon siya nga magabiya sa Guimaras Provincial Police Office bangud nahimo niya ang iya obligasyon sang bug-os sa iya tagipusoon.
Sa karon, indi pa maathag kon sin-o ang magabulos kay Col ,Gustilo bilang Provincial Director sang GPPO.
Samtang, ang bag-o nga assignment ni Gustilo amo naman ang Aviation Security group.
Facebook Comments
