Gindismiss sang National Police Commission ukon NAPOLCOM ang isa sa mga pulis sa rehiyon 6 nga nalawagan ni Presidente ARodrigo Duterte nga Drug Protector sang nakaligad nga tuig.
Ginkumpirmar ni NAPOLCOM investigator Allen Camiring nga naguwa na ang desisyon sang NAPOLCOM en banc nga naga-dismiss sa serbiyo kay Police Supt. Ronald Gepana, anay Regional Chief sang Region al Intelligence Unit nga nakabase sa Campo Delgado.
Suno kay Camiring nga matapos malawagan sang Presidente si Gepana nga Drug Protector, gilayon nga ginpaidalum ini sa summary hearing kag ginpasaka sa NAPOLCOM Central office ang kaso matapos makitaan ini sang probable cause.
Sining Karon lang naguwa ang desisyon nga nagadismiss kay Gepana sa serbisyo.
Magluwas sa dismissal, forfeited man ang tanan sini nga benepisyo kag indi na mahimo makatrabaho sa anuman nga ahensya sang gobyerno kag indi man mahimo makapadalagan sa anuman nga posisyon.
