General Santos City–Gidayig ni Police General Oscar Albayalde ang labaw sa nasudnong kapulisan sa Pilipinas ang nahimong inisyatibo ni Police Col. Raul Supiter ang City Director sa General Santos City Police Office nga mag himo ug mga pamaagi aron mahatagan ug kasilungan ang iyang mga sakop sa ilang ginapahigayon nga check point sa kadalanan.
Sumala pa ni Gen Albayalde usa ka maayong butang ang gihimo ni Col Supiter ug posible nga ilaha kining ipatuman sa tibuok Pilipinas sama sa iyang plano kaniadto sa dihang Regional Director palang kini sa NCRPO.
Gipasalamatan usab ni Gen. Albayalde ang tanang mga mitabang sa maong proyekto sa GSCPO ug mikanayon nga dili basta-basta ang nabuhat sa GSCPO dili lang sa check point kon dili lakip na ang speed boat nga gidonar mga stake holder ug ang building sa Police Station 1 nga naggikan kang Senator Manny Pacquiao.
Nasayran nga gipangunahan ni General Albayalde ang inagurasyon ug blessing sa nasangpit nga proyekto sa GSCPO inubanan ni Mayor Ronnel Rivera.
