TACLOBAN CITY – Ginpusil han police an iya kalugaringon ha sakob han usa nga hotel ha Catarman, Northern Samar kagab-i, November 3, ini in sumala han Police Regional Office 8.
Ginkilala an police nga hi Patrolman Willard Castillo, 27 anyos, na-assign ha Northern Samar Police Provincial Office.
Ginpusil ni Castillo an iya ulo gamit an iya pusil rason han iya dayon nga pagkamatay.
Nakit-an an patay nga lawas ni Castillo han nga rumesponde nga pulis han Catarman Municipal Police Station ha panguna ni Staff Sargeant Ernesto Badocdoc.
Nagawas ha inisyal nga imbistigasyon han mga otoridad nga mayada problema ha utok o mental disorder hi Castillo.
Samtang, nagpapadayon pa an imbistigasyon han mga otoridad hini nga insidente.
Facebook Comments
