Police Lt. Col Jovie Espenido kompyansa malimpyohan iyang pangan

514

Gikatingala ug maayo ni Police Lieutenant Colonel Jovie Espenido nga naapil siya sa bag-ong drug watchlist sa presidente .

Matud ni Espenido sa interview sa RMN-Cebu , duna na siyay adjudication resolution niadto pang 2017 nga nagclear kaniya sa pagkalambigit sa mga Espinosa sa dihang hepe kini sa kapolisan sa Albuera Leyte .


Ang grupo ni Espenido ang nangu sa pagronda sa panimay sa mga Espinosa nga niresullta sa pagkasikop sa mayor sa Albuera nga si Rolando Espinosa .

Nagtoo si Espenido nga adunay kapakya sa intelligence sa PNP hinungdan sa pagbutang na usab sa iyang pangan sa drug watchlist.
Wa usab magduha-duha si Espenido sa pagpadayag ug kabalaka nga kung dunay mahitabo niya, way laing mohimo kundi gobyerno ra sab.

Masaligon hinoon si Espenido nga malimpyohan niya ang iyang pangan ug di usab makaluya kaniya ang uwahing kontrobersiya nga giatubang niini karon .

Giangkon ni Espenido nga naghatag kaniya ug kalig-on karon ang padayong pagsalig sa presidente ngadto niya , ang iyang pagtoo sa kahitas-an ug ang suporta sa mga nitoo kaniya.

Facebook Comments