Davao City – Gi-aresto sa Tugbok PNP ang usa ka 38 nga lalaki nga si Juvy Abo-Abo Abalano, nagapuyo sa may Chico St., Brgy. Sto. Niño, Tugbok ning siyudad human nga nakaligis kini og on-duty police.
Subay sa report, naglusad og Oplan Road Clearing Operation ang Tugbok PNP bandang alas-4:30 sa hapon kagahapon diin nakita ang maong driver nga nagmaneho sa single nga motorsiklo nga walay suot nga helmet.
Gipara ang driver apan inay makigkooperar sa otoridad mipadagan hinoon kini sa iyang motorsiklo rason nga nakaligis og police kinsa naka angkon og samad ug bun-og sa nagkadaiyang parte sa kalawasan.
Nahitabo matud pa ang gamay’ng ginukoray apan naabtan ang suspetsado kinsa anaa na sa kustodiya sa Tugbok PNP lakip ang motorsiklo niini.
RadyoMaN Paul Canono
