Police nga giakusahang nangilkil balik duty na

41

Davao City – Nakabalik na sa trabaho sa San Pedro Police Station ang police nga giakusahang nangilkil nga si Police Corporal Renard Aballe human na-dismiss ang iyang kaso subay sa resolusyon nga gipagawas gikan sa Prosecutor Office.

Sa interbyu sa DXDC RMN Davao kang Police Captain Rosario Aguilar, ang spokesperson sa Davao City Police Office (DCPO), sumala niini nga iya nang gipirmahan ang request order gikan sa presinto dos nga pabalikon og duty ang maong police.


Matud ni Aguilar gawas nga na-dismiss na ang kasong criminal case, padayong gina-inbestigahan sa admin case sa Investigation and Detective Management Branch (IDMB) ang pulis kung mag-atubang ba og kasong administratibo.

Sa gihimo usab nga interbyu sa RMN Davao kang Police Captain Romelito Sobrecary, ang admin officer sa San Pedro nga nag request ang kapulisan San Pedro ngadto sa lokal panggamhanan nga pabalikon og duty ang tulo ka police auxiliary nga mao sila Keeven Albarracin, Crespulo Tacaldo Jr. ug Martin Sergio Camacho human usab nga na-dismiss ang ilang kaso.

Giingon ni Sobrecary nga wala pay plano si PCpl. Renard Aballe kung mo-counter charge for moral damages batok sa NBI-XI.

RadyoMaN Don Pulayao

Facebook Comments

From Advertisers