Davao City – Napasakahan na ug kaso sa korte, ang aktibong police nga si P/Sgt.Krist Mark Manulat tungod sa kalambigitan sa pag-areglo sa usa ka kaso.
Sa interview sa DXDC RMN Davao kang Police Major Jack Tilcag Station Commander San Pedro PNP, ang maong police kauban si Arnold Piang sa pagnegosyar alang sa usa ka affidavit of desistance sa kaso ni Aya Lee Macasindil nga dunay standing warrant of arrest with two counts qualified trafficking nga walay piyansa ug two counts for violation RA 7610 nga dunay piyansang P200,000.00.
Matud ni Tilcag, hugtanong gidili ang pag-areglo og kaso subay sa balaud RA 10364 (Expanded Anti Trafficking in person of 2012). Giklaro pa ni Tilcag, mag-atubang usab og kasong administratibo si Manulat.
Kahinumduman, nadakpan ang akusado sa entrapment operation kapulisan sa Tan Law Office, Magallanes Street, Brgy 2-A Pobalcion, Davao City.
RadyoMaN Don Pulayao
