General Santos City–Gikabutyag ni Police Leutenant Colonel Aldrin Gonzales ang tigpamaba sa Police Regional Office 12 nga posibleng mag-atubang ug kasong administratibo o criminal si Police Staff Master Sargeant Arnel Abellana 46 anyos nga naasign sa regional headquarters sevice kansa nasikop sa entrapment operation pasado ala-una sa hapon sa usa ka food chain sa Hi-Way Labangal Gensan.
sumala pa ni Gonzales nga malampusong nasikop ang nasampit nga pulis sa Integrity Monitoring Enforcement Group kon IMEG human naaktuhan nga nagapangayoan ug kwarta nga nag kantidad ug 50,000 pesos sa usa ka aplikante sa pagkapulis.
Dugang pagbutyag sa opisyal nga mismo ang biktima ug ang igsoon niini ang nagsumbong sa kapulisan kalabutan sa pagpangwarta sa pulis ngadto kanila.
Pagpaklaro man usab ni Police Leutenant Colonel Aldrin Gonzales nga dunay instructions nga gihatag si Regional Director Eliseo Rasco sa tanang aplikante sa pagkapulis nga kung dunay miyembro sa pulis nga nagasaad kanila nga motabang bugti ang kwarta gilayon kining ireport sa pinakduol nga Police Station aron mahatagan ug aksyon.
Saysay usab ni Gonzales nga wala gikalipay sa kapulisan ang gihimo sa ilang kauban gumikan kay nakahatag kini ug dili maayong epekto sa imahe sa kapulisan bisan pa man nga pipila lamang nga pulis ang nagahimo ug kabuang sa ilang trabaho.
Aminado usab ang opisyal nga duna gayuy pipila ka mga pulis nga wala nagasunod ug wala nagatuo sa mga guidelines nga ginapatuman sa kapulisan nga dili gayud maghimo bisan unsang illegal nga gimbuhaton. (Reynald Timario)
(Photo is for Illustration only)
