Police nga nanghatag ug facemask ug snack sa iyang gisita wala magdahom nga ma-trending sa social media

21

Iligan City – Wala magdahom si PSSG Jacky Harp nga ma-trending siya sa social media dihang nakuhaan ug hulagway ang iyang paghatag ug facemask ingon man snack sa usa ka lalaki nga iyang gisita.

Matud ni Harp nga kanunay na niya gibuhat ang paghatag ug facemask ug face shield niadtung sa iyang tan-aw, walang-wala gayu’y ikapalit hinungdan nga wala kini gisu-ot nga facemask ug face shield.


Dungan sa iyang paghatag ug facemask ug face shield ang pahimangno nga mag-amping kanunay aron malikay nga dili mataptan sa Covid 19.

Gibutyag ni Harp nga nasabtan niya ang kahimtang karon sa katawhan tungod niining pandemic sa Covid 19 hinungdan nga bisan ug gitahasan sila sa pagpaniket sa katawhan nga mosupak sa mga health protocols gihatagan pa gihapon niya ug konsiderasyon kadtung walay ikapalit sa facemask ug faceshield.

Mapasalamaton si Harp sa mikuha ug hulagway ngadto kaniya tungod nakita usab sa katawhan ang ilang pagpaningkamot nga motabang ingon man pinaagi matud pa niini mamahimo unta sila nga inspirasyon ug ihimplo sa kadaghanan. (Ghiner L. Cabanday, RMN-DXIC Iligan)
Giezelle Avedano

Facebook Comments