Police operation batok kriminalidad magpadayon dungan sa kamanduan nga pagkangon ang iligal nga sugal sumala sa GSCPO

General Santos City–Magpadayon lang gihapon ang anti-criminality campaign sa General Santos City Police Office sa dungan sa kamanduan ni Police General Archie Gamboa ang Chief PNP nga gilayong pagkangon ang pagkuyanap sa iligal nga sugal sa matag area sa Pilipinas.

Sumala pa ni Police Major Rexor Canoy ang tigpamaba sa General Santos City Police Office nga una nang nagmando si Police Brig. Gen. Alfred Corpus, ang Regional Director sa PRO 12 nga wagtangon na ang iligal nga sugal sa rehiyon subay na usab sa kamaduan ni General Gamboa.

Sa karon nakatutok matud pa ang kapulisan sa maong kamanduan nga gilayong undangon ang tanang matang sa sugal sa matag area sa rehiyon apan dili matud pa pasabot nga pasagdan sa kapulisan ang ihang anti-criminality campaign.


Gipaklaro usab ni Major Canoy nga magpadayon ang ilahang mga drug operasyon pag panakop ug mga nakalapas sa balaud ug pag-imbistiga sa mga kaso nga nagkahitabo sa syudad ug ang tanang kalihokan kabahin sa police operation.

Busa panawagan sa kapulisan sa Gensan ngadto sa katawhan nga gilayong ireport kanila kung aduna silay masayran nagapasugal sa ilang lugar.

Facebook Comments