General Santos City–Patay sa operasyon sa militar og kapolisan ang subject person nga anaa sa arrest order sa Department Of National Defense kaganihang sayo sa buntag sa may Zone 3, Block 5, Barangay Fatima.
Nailhan ang suspek nga si Najib Pundug, legal age, Temporaryong nagpuyo sa maong Barangay.
Subay sa impormasyon sa kapolisan gikan sa Marawi City ang suspek og dinhi sa siyudad nag-renta og balay kapuy-an.
May narekober nga kontrabando ang otoridad apil na ang usa ka ISIS black flag diin gituohan nga myembro kini sa Maute Terror Group.
Napusilan sad ang usa ka pulis nga sakop sa assault team sa Regional Mobile Force Battalion kung asa nagpaalim na karon sa ospital.
Kahinumduman nga alayon sa implementasyon sa martial law sa Mindanao nagpagawas og arrest order number 1 ang DND kaniadtong Mayo 29, 2017 aron sikupon ang mga myembro, supporters, ispiya sa gobyerno kabahin sa pagsupak sa Article 134 o Rebellion sa Revised Penal Code sa nasud.
