Ginsulong sang ginabanta 14-15 ka mga katapo sang CPP-NPA ang Police Outpost sa barangay Bancal, Alimodian mga alas 4:30 kaina sang hapon (Abril 27).
Ginpahayag ni Police Lt. Danilo Noca, hepe sang Alimodian PNP nga sakay ang mga NPA sa duha ka tricycle nga ila gin-okupar apang gingapos ang driver sang mga ini gamit ang packing tape.
Suno kay Noca nga pagsulod sa outpost gilayon nga gin-uyatan sang mga NPA ang naka-duty nga pulis nga si Corporal Janjan Anaya kag ginbaklid kag ginpahapa.
Pagkatapos , ginkuha sang mga rebelde ang isa ka M-16 armalite rifle kag 9 mm pistol ni Anaya kag cellphone.
Gilayon naman nga nagpalagyo ang mga NPA padulong sa nagkalain-lain nga direksyon.
Facebook Comments
