General Santos City—Notado na matud pa nga involve sa pagpamaligya ug iligal nga droga ang usa ka Jefrrey Dequila, alyas pikot nga nanimuyo sa Cabe Subdivision, Barangay Bula ning syudad hinungdan nga gipahigayunan ug operasyon sa kapulisan.
Sumala pa ni Police Captain Brent Ian Salazar ang hepe sa Police Station 6 nga gawas sa pag pamaligya ug iligal nga droga aduna man usab matud pa kiniy kanhing kalambigitan sa pag pang-holdap ug armado usab kini ug pusil.
Dugang pa niini nga sa pag sulod nila sa panimalay sa nasangpit nga suspect aron nga i-serve ang warrant misukol matud pa kini ug unang gipabuthan ang kapulisan hinungdan dunay nahitabong pagbinaylu-ay ug bala nga miresulta sa kamatayon sa suspect.
Samtang aminado usab ang kaipon sa suspect nga aduna gayuy armas ang iyahang kaipon ug ginapagawas matud pa niya kini ugaling ma-high sa iligal nga droga ug ginagamit aron nga sakiton ang nasangpit.
Nasayran nga alas 11:00 ang takna sa gabie gipahigayon sa kapulisan ang maong operasyon kung asa na-recover sa otoridad ang 11 ka mga sachet sa shabu, drug paraphernalia ug 38 revolver nga armas. (Dave Silagan)
