PALO, LEYTE – Alas 3 han aga dida han Pebrero 5, 2018 , gin-aaligar sumulod hira Leyte Director Teodoro de Veyra ha Leyte Metropolitan Water District office ha Nula-tula kun diin didto nag oopisina an City B-O-D’s ngan ginkuha an pipira nga mga kagamitan han opisina.
Gin-kikwestyon ha mao nga panhitabo an rason kun kayano waray kapugngi han Regional PNP kumo nagbabantay ha LMWD office ha Nula-tula an pagsulod han kampo han probinsya ngan gin-aaligar ginpabay-an nga may makuha nga kagamitan ha sulod.
Depensa ni PSSupt. Leonardo Suan, Deputy Regional Director for operations han Police Regional Office 8, waray mando ha mga kapulisan nga pugngan kun hin-o an masulod ha mao nga pasilidad. Diri man gud daw an PNP an naka-assign ha security kundi an mga security guard ha sulod han LMWD Office. Waray naman daw maghatag an LMWD management hin listahan ha PNP kun hin-o la an papasudlon ngan diri ha mao nga pasilidad.
“Ang [ginawa ng] mga pulis naman kasi dun ay panatilihin ang peace and order. Wala kaming authority na magpigil kung sino ang papapasukin sa loob, sila ang nag kontrol eh. Yan ang sinasabi ko nung araw na dapat i-coordinate nila kung ilan lang ang papapasukin. Hindi naman ang pulis ang nagpapasok dun, sila ang nagpapasok.”
Ha pagka-yana in gin-iimbistigahan na han CIDG Region 8 an mao nga panhitabo.
Dugang pa han opisyal, nga naipit an PNP ha mao nga panhitabo tungod nga tub-tob yana in kwestyunable pa kun hin-o an may legal nga katungod nga mangulo ha pasilidad.
“Yung legality is under question pa rin. Actually naiipit kami dito, yung PNP. Kasi hindi pa naman ma-determine kung sino talaga dahil naglalaban pa sa korte.”
Pagsayod naman han opisyal, waray gin-uugupan an Regional PNP ha kasamok ha LMWD. Numero uno daw nga panuyuan han kapulisan nga mabantayan an seguridad han water supply ngan magpatuman hin peace and order.
“Kaming taga PNP Region 8, wala kaming interes dyan. Kaya pinaalis naman ang Tacloban at Provincial PNP para ma neutralized yan.”
