Gipasidunggan sa Police Regional Office 9 ang Zamboanga Del Norte Provincial Office (ZNPPO) SWAT Team mao ang “Medalya ng Papuri” atol sa Traditional Monday Flag Raising Ceremony didto sa PRO9 Quadrangle, Camp Romeo A. Abendan, Mercedes, Zamboanga City kagahapon sa alas 8:00AM.
Ang nakadawat sa Medalya ng Papuri mao sila si Police Senior Inspector Gregorio Joel C Bungulan, SPO1 Ernesto D Bulajao Jr., PO3 Kitch Ivan A Gesulga, PO2 Dino G Latawan, PO2 Armand T Moncida, PO2 Jose Alfred V Bait-it, PO2 Carl Edward C Panoril, PO1 Dover Troy T Aleta, PO1 Eric Q Panangitan and PO1 Mark Medard B Balingit*.*
Ang ZNPPO-SWAT Team giila tungod sa ilang pagka dominante sa bag-ohay palang nga PRO9 SWAT challenge/competition didto sa Execom Shooting Range and Regional Mobile Forces Company Firing Range, Camp Col. Romeo A. Abendan, Mercedes, Zamboanga City niadtong Pebrero 24-25, ning tuiga.
Ang ZNPPO-SWAT Team sila sab ang ni representa sa Police Regional Office 9 (PRO-9) atol sa Chief, PNP National SWAT Challenge didto Maa, Davao City niadtong Marso 1-3, 2018 nga kung diin base sa unofficial result, ang ZNPPO-SWAT team anaa sa ika 17 out of 60 team nga mga partisipante.
Gipasalamatan ni Regional Director PCSUPT Billy B Beltran ang Zamboanga del norte SWAT Team human nga sila ang migawas nga mananaog ug mi representa didto sa Davao City.
