Dumalag, Capiz- Patay ang isa ka 35-anyos nga lalaki matapos nga ginlabo sang kaupod sini sa pag-inum sa Brgy. Duran, Dumalag samtang ang mga ini ang nagapauli alas 5:30 sang hapon.
Ginkilala ang biktima kay Oldarico Angelo y Parle, 35-anyos sang Duran, Dumalag nga nag-angkon sang kapilasan sa iya lawas partikular sa ulo, liog, likod, kamot kag iban pa nga parte sang lawas.
Wala naman mapahayag kun anu ang rasun sang pagsabtanay sang mga ini nga nagresulta sang maduguon nga insidente.
Sa ginpatigayon nga hot pursuit operation, natigayon nga madakpan sang mga kapulisan ang 42-anyos nga suspek nga si Jonte Fegaroa y Galagate samtang ini ang nagapanago sa may bahin sang Brgy. Poblacion, Tapaz alas 9:20 sang gab-e.
Narekober sa iya sang mga otoridad ang sanduko nga gingamit sa krimen nga nagahaba sang 24-pulgadas kun sa diin ini pa ang napuno sang dugo.
-web photo
