Suspendido sang anum ka bulan si anay Police Chief Inspector kag karon Police Sr. Supt. Marcelo Bolivar sang Police community Relations Division sang PRO-6.
Ini base sa naguwa nga en banc decision sang National Police Commission angut sa kaso administratibo nga ginapangatubang ni Bolivar.
Ginpahayag ni Napolcom Investigator Allen Camiring nga nabaton na kahapon ni Sr. Supt. Bolivar ang kopya sang desisyon nga naga-suspender sa iya sang anum ka bulan.
Nag-ugat ang kaso batuk kay Bolivar matapos ginreklamo ini sa Napolcom sang isa ka tawo nga iya gin-harass kon sa diin matapos ang imbestigasyon naguwa nga nakasala ini kabangdanan nga ginpapanaugan sang anum ka bulan nga suspension. (sspunay)
Facebook Comments
