General Santos City–Nag pabiling blangko karon ang kapulisan kabahin na sa motibo sa lain na usab nga pagpamusil nga nahitabo sa National Highway, Barangay Apopong ning syudad atubang mismo sa New Society Gallera alas 9:00 ang takna sa gabie.
Sumala pa ni Spo4 Nagel Marquez ang Executive Senior Police Officer sa Police Station 2 nga sa karon nag padayon pa silang naga-pangalap ug ebidensya aron usab nga matumbok nila ang motibo sa maong pagpamusil nga gikamatay sa usa ka Roldan Luche, 44 anyos nga nanimuyo sa Polomolok South Cotabato ug pagka-angol sa usa ka Antonio Kuan Jr. nga residente sa klinan 5, Barangay Mabuhay , Gensan
Nag request na matud pa sila ug kopya sa CCTV sa pinaka-duol nga establesymento sa maong lugar alang sa posibleng pag-ila sa ilhanan sa suspect sa krimen.
Posible matud pa nga gi-atngan sa suspect ang biktima nga si Luche kansa maoy gi-tuohang target sa mga suspetsado.
Nasayran nga sakay ang mga biktima sa kotse nug pauli na unta sa ilang panimalay apan pag-abot sa national Highway didto na sila gipamusil sa duha ka mga suspetsado.
Nahimo pa sa biktima nga manihoan ang iyahang sakyanan padulong sa warehouse sa usa ka mall sa syudad aron mangayo ug tabang, gidala dayon kini sa ospital apan gideklara kining dead on arrival.
Na recover sa area ang 7 ka mga basiyo sa caliber 45 nga armas ingon man 3 ka mga balinis niini. (Dave Silagan)
