General Santos City— Nakig-alayon na karon ang Police Station 2 sa Indonesian consulate sa Davao City aron usab sa pagpadeport sa duha ka mga Indonesian national nga nasikop sa mga personahe sa City Intelligence Branch (CIB) nga namaligya ug 4 ka sako sa sigarilyo nga Gudang Garam nga walay saktong mga papeles.
Sumala pa ni PCI Renato Salarda ang hepe sa police station 2 nga gawas sa Indonesian Consulate nakigalayon na usab sila sa Bureau Of Customs (BOC) tungod kay ilawom matud pa sa customs ang pagsuta sa mga prudokto nga nagasulod dinhi sa pilipinas.
Gidugang pa ni PCI Salarda nga sa pagsuta nila sa mga dukomento sa mga Indonesian National nga silang Pat Dumalag Ug Jinki Rado, aduna matud pay tatak ang mga passport niini sa borderline sa Pilipinas ug Indonesia apan walay mga papeles ang mga dala niining sigarilyo.
Kung kahinumduman nga nasikop ang mga nasangpit human nga adunay naka report sa CIB nga dunay mi dungo nga Bangka sa may Lower Makar sakay ang mga Indonesian national nga namaligya ug sigarilyo. (Dave Silagan)
