General Santos City–Aduna nay ginasundan karon nga mga person of interest ang Police Station 3 kabahin sa pagpamusil patay sa usa ka Leopoldo Aprecio, 19 anyos ug nanimuyo sa Sunrise Subd. Barangay Lagao, Gensan kansa gipusil sa nakalabayng gabie.
Sumala pa ni PCI Peter Pinalgan Jr. ang hepe sa Police Station 3 nga sa karon nag padayon ang pagpangalap ug kongkreto nga ebidensya sa mga imbistigador sa maong estasyon aron usab nga mapasakaan na ug kaso ang mga responsible.
Sa kasamtangan nag dumili paman usab nga muhatag si PCI Pinalgan sa ilang gina tutukan nga motibo sa maong pagpamusil aron nga dili maapektohan ang ilang imbistigasyon.
Samtang gikuperma man usab sa nasangpit nga labaw sa police station 3 nga aduna na gayuy mga record sa pagpangawat sa ilang area ang nasangpit nga biktima ug kanhi na kining nakustudiya sa CSWDO niadtong siya minor de edad pa. (Dave Silagan)
