General Santos City–Anaa nay person of interest ang Police Station 3 sa nahitabong pagpangawat sa duha ka wala mailhing suspect sa usa ka maestro nga si Eliseus Barber , 56 anyos nga nanimuyo sa Barangay San Isidro ning syudad samtang busy kini ug diskarga sa ilahang mga baligya ngadto sa capareda street corner san pedro st. barangay lagao alas 9:30 ang takna sa buntag.
Sumala pa ni Police Lt. Felix Minion III ang Deputy Chief Of Police sa Police Station 3 nga basi sa nakita sa Cctv Footage usa ka chubby nga lalaki ang suspect nga misalisi sa mga biktima sama nga estraktura sa lawas sa una na usab nga suspect sa pag salisi gihapon nga nahitabo sa Lagao niadtong mga milabay nga bulan.
Sa karon ginatutukan na matud pa nila ang nasangpit nga suspect ug naga angalap ug ebidensya batok kaniya ingon man ang ilhanan niini aron nga mapasakaan ug tukmang kaso.
Nasayran nga mukabat sa 380,000 ka pesos ang natangag sa nasangpit nga suspect ngadto sa biktima lakip na ang mga credit card ug mga atm nga nabutang sa sling bag nga gitangag sa mga suspect.
