General Santos City–Aduna nay gisundan nga lead ang Police Station 4 kabahin sa pag pamusil patay sa usa ka pulis nga si PO3 Joseph Pequierda nga nakabase sa City Mobile Force Company (CMFC).
Sumala pa ni Police Senior Inspector Davis Dulawan ang hepe sa Police Station 4 nga sa karon mas gipalawman pa nila ang ilang ginahimo nga imbistigasyon ug gipaabot nalang nila ang resulta sa ballistic examination gikan sa crime laboratory ingon man ginasuta na usab nila ang cctv footage sa lugar kung asa miagi ang nasangpit nga Police sa posible nga kuha sa cctv sa mga nawong sa mga suspect.
Samtang nagpabiling personal grudge o may kalabutan sa trabaho niini isip pulis ug intelligence officer kung diin daghan na matud pa kini ug napadakop ug nabangga nga dagkong mga tao nga lambigit sa iligal nga droga.
Samtang gipaniguro man usab ni PSI Dulawan nga bisan paman ug ilang kauban sa trabaho ang nabiktima sa pagpamusil nag pabilin gihapon nga taas ang moral sa kapulisan tungod kay nasayod na silang daan nga apil ang piligro sa ilang kinabuhi gumikan sa ilang trabaho isip Police.(Dave Silagan)
