General Santos City–Nagpadayon pa ang gihimong imbistigasyon sa Police Station 4 kalabutan sa kamatayon sa 12 anyos nga batang babaye nga giilang si ELLA jane Monterde kansa nakaplagang patay sa may Purok Mapailubon, Barangay San Isidro, Gensan.
Sumala ni Police Major Davis Dulawan, padayon pa karon ang ilang koordinasyon ngadto sa pamilya sa biktima sa pamasin nga makakuha ug dugang impormasyon kalabutan sa mga tawo nga sagad makauban sa iyang anak.
Nasayran nga adlawng Lunes pa dihang milakaw ang biktima ug wala na makauli sa ilang panimalay. Huwebes na sa buntag dihang kini nakaplagan sa sagbutang bahin sa maong lugar nga anaa na ilawom sa state of decomposition.
Gikumperma usab ni Police major Dulawan nga sa karon aduna na silay mga person of interest nga posibleng mipatay sa biktima.
Kini basi na usab sa mga pahayag sa testigo sa lugar. apan sa karon dili pa nila matumbok ang gikaingong personahe tungod nagpadayon pa ang ilang pagpangalap ug ebidensya.
Higayon nga makumpirma ang maong tawo nga suspek sa krimen nan, ang kapulisan maghimo gilayon ug lakang aron nga kini makasuhan.
