Naa nay person of interest karon ang police station 4 sa nahitabong pagpamusil sa usa ka Arnel Pansacala, 43 anyos ug nanimyo sa Malisido Homes, Barangay San Isidro mao kini ang nahimong pamahayag ni PSI Davis Dulawan ang hepe sa Police Station 4
Sa karon dili usa matud pa nila ibutyag kung kinsa kini tungod nag padayon ang ilang pag pangalap ug ebidensya samtang personal grudge ang nag-unang motibo nga ginatan-aw karon sa kapulisan.
Samtang basi sa gihimong pagsuta sa Rmn News Team nasayran nga kanhi nang may bikil ang biktima ug iyang asawa human nga mibahad matud pa ang biktima ngadto sa iyang asawa nga iyaha kining patyon ug makita niya nga adunay ubang lalaki nga kauban, samtang gialigaran man usab sa nasampit nga asawa ang biktima nga adunay laing babaye ug gani kanhi na silang gihusay sa barangay.
Nagpabilin man usab nga anaa sa talandugonong kahimtang ang biktima nga anaa karon sa ICU sa Mindanao Medical Center. (Dave Silagan)
