General Santos City—Aduna nay person of interest ang kapulisan sa pagpusil-patay sa negosyanteng si Evelyn Te, 63 anyos, nga taga Brgy. City Heights ning dakbayan kansa una nang gipusil niadtong nakalabayng semana.
Sumala kang Police Capt. Brent Salazar, Hepe sa Police Station 4 nga sa koron personal grudge ug away sa yuta ang ilahang ginatan-aw nga motibo sa maong krimen.
Nauna na matud pa silang nag-istorya sa pamilya sa biktima ug aduna na silay ginadudahang posibleng utok sa maong krimen apan padayon pa ang ilahang pagpangita ug ebidensya aron sa pagkumpirma niini.
Pag-angkon ni Capt. Salazar nga adunay mga daang kaso ang biktima apan dugay na matud pang na-dismiss ug wala nila kini ginatutukan tungod sa karon mas naka-focus sila sa pagresolba sa pagpatay niini.
Dugang pamahayag sa nahisgutan nga kung basehan ang krimen, masulti niyang gipondohan ang maong krimen. Apan giklaro niya nga dili pa niya mabutyag kung organisadong grupo ang naghimo.
Samtang, nakuhaan matud pa ug cctv footage ang sakyanan nga gigamit sa suspek ug siya nagtuo nga dili lang usa ang naghimo sa krimen.(LVR
