General Santos City–Nagpabling blangko karon ang Police Station 6 sa mga reponsable nga mitigbas sa usa ka 18 anyos nga si Parly Bibat nga nanimuyo sa Purok 2, Raja Muda, Barangay Bula ning syudad Gensan alas 2:55 ang takna sa kaadlawon nga natigayon sa may Ariola Street, Barangay Lagao.
Sumala pa ni Police Major Tirso Pascual ang hepe sa Police Station 6 nga nagpadayong naga pangalap ug ebidensya ang ilahang imbistigador ug gipaningkamotan nga mailhan ang mga suspect.
Gina paabot nalang nila nga makahatag ug pamahayag ang hinugma sa biktima nga kauban niini sa maong higayon ingon man ug tugutan na sa mga doctor nga maka hatag ug pamahayag ang nasangpit nga pasyente nga nagpabiling anaa sa talandugonong kahimtang karon.
Samtang daghang angulo man usab ang ginatan-aw karon sa kapulisan kabahin na sa maong pag panigbas sa wala mailhing mga suspect ngadto sa biktima.
Sumala pa ni Major Pascual nga usa sa ilahang mga ginatan-aw amo ang selos tungod posibleng nasuya ang mga suspect kay uban sa biktima ang iyahang hinigugma ingon man ang angulong personal grudge tungod gikan sa explore ang nahisgutan ug posibling adunay nakalaban sa maong lugar ug giatangan sila sa gawas sa maong imnanan dayon hitigbas. (Dave Silagan)
(Photo is for Illustration only)
