*General Santos City—————- Miabot na si Police Superintendent Marvin Marcos sa dakbayan sa GenSan aron sa pag-assume of office isip bag-ong labaw sa Criminal Investigation and Detection Group 12.*
*Sumala sa impormasyon gikan kang Police Superintendent Elmer Gueverra nga kagabii lang Hulyo 16 miabot si Superintendent Marcos sa dakbayan.*
*Rason nga karong adlawa posible na kining mag-report sa buhatan sa CIDG 12 human kining mabakante dihang gibalhin sa Bicol Region si Police Senior Superintendent Felix Servita Jr. isip Provincial Director sa Catanduanes Police Office.*
*Basi sa impormasyon, dala niini ang walo niya ka mga sakop gikan sa CIDG region 8 nga naapil sa kaso sa human sa kamatayon ni Albuera, Leyte Mayor Rolando Espinosa sulod sa prisuhan.*
*Kahibaluan nga una ng gipa-ilawom sa preventive suspension ang nasangpit nga opisyal human sa maong insidente ug napasakaan ug kasong murder, apan gipa-ubsan kini sa Department of Justice ngadto sa homicide rason nga sila nakapyansan.**Una na usab nga migawas ang mga impormasyon nga posibleng madelatar ang paglingkod niini sa CIDG 12 gumikan wala pay desisyon sa ilahang gisubmitar nga Motion for Reconsideration, apan kagabii lang miabot na kini sa Gensan.*
