Police Supt. Deloso, namiligro gihapon ang kinabuhi

108

Namiligro pa gihapon ang kinabuhi ni Police Supt. Michael John Deloso taliwala nga ang maong police official nakalingkawas gikan sa pangataki sa duha ka nagmaskarang suspek sa ilang pagpangambus niadtong Martes sa buntag duol sa Misamis Oriental Provincial Capitol.

 

Gipahayag ni Supt. Surki Sereñas, Spokesman sa Police Regional Office sa Northern  Mindanao nga si Deloso namiligro sa  komplikasyon human naigo sa bala sa 9mm pistol ug 45 Caliber pistol ang iyang atay, baga ug tina-e gikan sa gun attack sa duha ka mga suspek nga nagsakay sa motorsiklo.

 

Ang pahayag ni Sereñas, basi  sa pahayag nga iyang nahipos gikan sa Doktor ni Col. Deloso.

 

Gipasabot ni  Sereñas nga kini ang rason nga si Deloso, nagpabilin pa sa ICU sa Northern Mindanao Medical Center aron ma-monitor pag-ayo sa mga doktor ang kahimtang  sa iyang panglawas.

 

Sa pikas nga bahin.

 

Gipahayag ni Supt. Mardy Hortillosa nga Spokesman sa  Cagayan  de Oro City Police Office nga naglisod ang mga imbestigador pag-ila sa  duha  mga suspek nga nag-ambush ni Deloso samtang nag-drive ang biktima sa iyang puti nga Nissan Urban van.

 

Kay matud ni Hortillosa nga ang maskara nga gigamit sa mga suspek maoy naghatag kalisod sa mga imbistigador pag-ila sa maong mga suspetsado.

 

Apan matud ni Hortillosa nga ila nang na-istorya sa mga imbestigador ang doktor nga asawa ni Deloso ug ila nang nahipos ang pipila ka mga ebedensya nga mahimong makatabang sa pagsulbad sa barbaric attack ni Deloso nga deputy chief sa Regional Police Strategic  Management Unit sa Campo Alagar.

Facebook Comments