Negatibo ang resulta sa gihimung drug test sa mokabat 363 ka mga Police Trainees ubos sa Field Training Program (FTP) nga gilusad sa Police Regional Office 13.
Pamahayag ni P/BGen. Joselito Esquivel, Jr. regional director sa PRO 13 nga nalipay siya sa negatibong resulta sa drug test sa mga bagitong pulis human iyang gimando ang maong drug test sa dihang usa ka FTP nga si Patrolman Junel Ecleo Payosing nga taga-Emily Homes, Brgy Libertad ning dakbayan sa Butuan ang nadakpan samtang nag-pot session kauban sa duha ka mga suspek nga sila si Oscar Tayong Miñoza, 25-anyos nga taga P-3, Libertad ug Ramir David, 26-anyos og residente sa Purok-2A Barangay Bading nga parehong sakop sa Butuan City.
Aminado si P/BGen. Esquivel nga posibleng adunay makalusot nga mga aplikanti diha sa screening sanglit mahimung mawala sa lawas ang substance sa droga pagligid sa pipila ka adlaw ug mag-negatibo dayon sa drug test. [image: ftp.jpg]
