Davao City – Gilauman nga mas mapakusgan pa ang pagbantay sa seguridad sa area of responsibility sa dose ka police stations sa dakbayan kontra kriminalidad karon nadungagan og bag-ong police volunteers ang destino sa mga presinto.
Mukabat sa kiniyentos ka mga bag-ong police volunteers ang gikatag sa mga police stations sa siyudad human niadtong nakabalay nga semana.
Mitambong sila si DCPO Director Police Senior Superintendent Alexander Tagum ug Public Safety and Security Command Center Head Retired Army General Benito De Leon sa send off ceremony sa bag-ong migradwar sa pagka-police volunteers nga gipahigayon sa Camp Leonor Domingo sa San Pedro ning dakbayan.
Suma ni Tagum, ang bag-ong mga police auxiliary magdawat og sweldo nga sais mil ka pesos matag bulan isip job order employees sa lokal nga kagamhanan apan abagahon sa mga presinto ang pagkaon.
Malaumon si Tagum nga mukunhod ang kriminalidad sa dakbayan karon nadugangan na ang puwersa sa mga police stations sa dakbayan diin gipasalamatan sa opisyal si Davao City Mayor Inday Sara Duterte-Carpio sa padayon nga suporta sa kapulisan.
RadyoMaN Joel Viray
