Nabutang karon sa hot water ang Police woman nga naasign sa Lapaz Police Station matapos ginreklamo sang mga retired teachers sa National Police Commission ukon NAPOLCOM.
Sa reklamo sang mag-ulutod nga mga retired teachers, ginpahayag ni NAPOLCOM Investigator Allen Camiring nga ginbuyayaw ang mga ini ni Police Officer Catherine Hermosura kag ginpahog nga paniruhon kag pamatyon.
Suno kay Camiring nga natabu ang insidente sa Ungka, Jaro kon sa diin nagapuyo ang nasambit nga Police woman kag kaingud sini ang mga tagreklamo.
Ginpahayag nga naakig si Police officer Hermosura kag amo na lamang ang pagbuyayaw kag pamahog sini sa mga tagreklamo bangud gid lamang sa hagdan nga nabutang sang ila mga panday kag naglapaw sa balay sang nasambit nga pulis.
Bangud sini, ipatawag sang NAPOLCOM sa Lunes si Hermosura agud pangayuan sang paathag sa nasambit nga reklamo.
