El policia local ya prinsipia ya ayer el implementaccion del modo de seguridad na enteor fueblo por el prinsipyo del Zamboanga Hermosa Festival 2017.
Na prinsipyo del primer salvo del actividades de Barangay Tetuan que ya culmina na Zamboanga City Coliseum, visible el presencia del mga pulis, lo mismo na primer dia de abrida del mga tienda de negosyo y actividades na RT Lim Boulevard.
Ta implementa tambien el policia con el Orden Ejecutivo BC 294-2017 – un orden de prohivi el parquiada del mga motorciclo, 4 wheel vehiculo, llevada del mga backpack hooded jackey y bullcap na cuantos escujido lugar donde ta conduci actividades.
Asegun con el hefe del policia local Senior Supt. Neri Vincent Ignacio, siento por siento el deployment del disuyo mga personajes na entero fueblo, para asegura cay nuay cosa algo que hay socede amediante el conducta del mga actividades del Fiesta de La Virgen del Pilar.
Ta rendi tambien gracias sl Ignacio con el military bajo na Task Force Zamboanga y el mga force multipliers desdel deferentes barangay que dentro el mga actividades del Fiesta Pilar por el diila asistencia na aspeto de seguridad na sentro del fueblo. – *Bhong Simbajon/RMN News*
