Davao City – Naghatag og usa ka semanang lugway ang City Health Office (CHO)-Davao sa round 2 sa polio vaccination sa syudad.
Sa interbyu sa DXDC RMN Davao kang Dra. Julinda Acosta, technical division chief sa CHO-Davao, gibutyag niini nga bisan og misobra na sa 100% ang coverage sa polio vaccination sa enetro dakbayan, aduna gihapoy mga barangay nga nabutang sa below 95% coverage.
“Amoa pa gihapong gi-ensure nga wala gyoy ma left out nga bata. Suyod na pud. Nagahimo sila karon og rapid assessment aron matan-aw nila basin naa pay mga bata nga wala nabakunahan,” saysay ni Acosta.
Segun ni Acosta nga target sa maong 1-week extension mao ang mga lugar sa Tigatto ug Communal, Buhangin, Paciano Bangoy sa Agdao, pipila ka lugar sa Roxas extension ug sa Bajada area ning syudad.
Panawagan sa health official sa mga ginikanan nga abri gihapon ang mga barangay health centers aron mapabakunahan ang ilang 5-anyos paubos nga anak aron maluwas sa balatian nga polio.
RadyoMaN Kirby Manzon
