Davao City – Gilaumang muabot sa unang semana sa Oktobre ang mga Oral Polio Vaccines Type 2 nga maoy gamiton atol sa National Outbreak Response Immunization karong Oktobre 14.
Sa interbyu sa RMN Davao kang Department of Health Assistant Secretary for Visayas and Mindanao, Dr. Abdullah Dumama Jr. nga target nila nga 95% ka mga batang nag edad 5 anyos paubos ang mabakunahan.
Matud ni Dumama nga ang unang rounds sa vaccination ikasa sa Davao City, Davao del Sur, Lanao del Sur ug Marawi karong Oktobre 14-27.
Samtang 3.4 ka mga bata sa entero ang ipailawom sa massive vaccination sa ikaduhang hugna karong Nobyembre 25-Disyembre 7 ug sa katapusang vaccination sa Enero 6-18.
Sumala kang Dumama nga P213M ang budget sa gobyerno para sa pagahimuong immunization.
Nanawagan si Dumama sa tanang ginikanan nga ipabakuna gayod ang ilahang mga anak kontra polio.
RadyoMaN Aimee Guinita
